Latest Entries »

20121229_215409 2013-11-07-22-29-22 사진 189 270730_508003702561529_2035965229_n 320788_270711009624134_100000557109456_1044833_7509101_n 2013-11-17-14-17-25 2013-11-17-14-19-31

Амьдрал ямар амттай вэ? Гашуун, чихэрлэг, шорвог, нялуун, зөөлөн..

Амьдралын амт гэдэг бол тансаг хоол биш, архи дарс ч биш, амтат чихэр ч биш, брэндийн хувцас ч биш, өдрийн 3 хоол ч биш, хаус, роллс ройс, наргиан шоу биш.
Энэ бол зовох цагаа мэдэж, түүнээс өрсөж уралдах замнал.

Энэ бол хэн нэгний айдас, гунигийг өөрийн биеэр амссан мэт мэдэрч, өөрийн байдалд сэтгэл тайван амьдрах арга.
Энэ бол буруу яваа нэгнийгээ зөв гольдролд нь оруулж, зөв яваа нэгнээ улам зүлгэж өргөх юм. Энэ бол цаг зуурын сэтгэлийн таашаал, түр зуурын наргиан болоод өнгөрөх бус, насан туршдаа хараад баярлах, бодоод догдлох, бахархах, өөрт бөгөөд бусдад сургамжтай тэр л үг, үйлдэл юм шиг..

Яг одоо миний энэхүү бичвэрийг бичиж байх үедээ сонсож байгаа шувуудын жиргэх дуу, халуун наранд саравчинд ямар ч хүн, машины дуу сонсогдохгүй, зүлэг, ой моддын дунд суугаад “Loving you” дууны оркестр хувилбарыг сонсон сууж байгаа нь өөрөө амьдралын амттай амт..

Бяцхан хүүхдийг хөл нүцгэн зүлгэн дээр гүйж явааг нь харах амьдралын амт.

Үс маань салхинд хийсээд л, ирэхгүй байгаа нэгнийг догдлон хүлээх, ижийгээ санах, цаг хугацааг тоолон хүлээх, тэр бүү хэл тэр цаад сандал дээрээс хэн нэгэн зорин зорин ирж хогийн саванд хог хаяхыг нь харах хүртэл амьдралын амт ч юм шиг, хэхэ.

Тэртээ хол галт тэрэг яваа сонсогдоно, сонсогдож байгаа бүхэн минь нэг л амттай зохицолдолгоо.

Өглөө босоод нар гарахад, бороо ороход, цас ороход би баярладаг. Өглөө босоод гэрээсээ гарахдаа би баяртай байдаг. Зорьсон газартаа хүрэх замдаа хүмүүсийг ажин, нэгэн өглөөг хүмүүс яаж эхлүүлж байгааг харах дуртай. Өдрийн туршид нэгэн үеийнхэн юу хийж, бодож явдгийг мэдэх зугаатай.

Ямар ч үед, хаана ч, юуг ч хийж явсан өөртөө жаргалтай, зөв замаар үүргээ биелүүлэх нь жаргал. Орой гэртээ харих гэж яарах нь жаргал. Гэртээ очоод амрах нь жаргал. Өдөр бүр өнгөрсөөр, өнгөрсөөр..

Энэ амьдрал чинь ер нь зөв өнцгөөс нь харвал тэр чигээрээ жаргал юм биш үү?

Мэдээж амьдрал өөрөө хүн бүрт ч бөөн аз жаргал дүүрэн харагдахгүй нь тодорхой л доо.

Харин тэр бүхнийг яаж ийж байгаад эвийг нь олоод, сайхныг нь олж харж, өөртөө өгөгдсөн бүхэнд талархаж байх хэрэгтэй юм шиг.. Тодорхойлбол, хүн хичнээн ядуу зүдүү байлаа ч үүнээс дор байж болох л байсан хэмээн, улам урагш тэмүүлж, байгаадаа баярлах нь зүйн хэрэг. Хүн хичнээн бие муутай байлаа ч амьд яваадаа, сайхан зүйлсийг харж, мэдэрж чаддагтаа баярлах хэрэгтэй.

Хүн чамд ямар ч гэм хийж болно, дарамталдаг байж ч болно. Ямар нэгэн эвгүй зүйл сэтгэлд чинь чулуу шиг хатуугаар байсаар ч байж болно. Өнгөрсөндөө муу муухай зүйлсийг ихийг хийж байсан байж ч болно. Гэхдээ эцэстээ хүн өөрөө өөрийгөө хэн байсан бэ гэхээсээ илүү хэн байх ёстой вэ гэдгээ ухамсарлан, тэрхүү “төгс төгөлдөр” дүр төрхийг дотроо бий болгож, түүнд хүрэх замаа хөгжилтэй, жаргалтай, зөв, бусдад болон өөртөө хүртээлтэй, ухаантайгаар зорих нь амьдралын хамгийн гол амт нь билээ.IMG_3044

Тулгар төрийн 2222 жил
Их Монгол Улсын 807 жилийн ой Yндэсний их баяр наадмын мэнд
Морьд эргэсэн наадмынхаа дурдан тоосоор нь дээлээ гоёдог
Монгол гэсэн зургаан үсэгтэй бурхан нэрээр нь дэлхийд гоёдог
Тэнгэр заяат
Монгол түмний минь наадам
элгээрээ элэг бүтэн төрлөөрөө түвшин сайхан , хийморь цог золбоотой
Дэвсэн бөх нь даваатай
Уясан хүлэг нь түрүүтэй
Тавьсан сум нь цэцтэй
Цэнгэл баяраар дүүрэн,
Тэнүүн сайхан наадаарай

Эмэгтэй хүн өөрийнхөө үнэ цэнийг мэдэрч байх нь чухал. Бүсгүй та үргэлж эрхэмсэг, нууцлаг байж чадвал амьдрал тань сонирхолтой, зугаатай байх болно. Гоо сайхан таны ертөнцийг аврана. Дэлхийн олон алдартай бүсгүйн зүрхэн тарниа болгож байсан 10 зарчим эрхэмсэг, нууцлаг нэгэн болоход тань тусална.

1. Өөрийгөө сайхан бүсгүй гэдэгт итгэлтэй бай. Энэ нь таны эрхэмсэг оршихуйг бүтээж өгнө.

2. Ямар ч тохиолдолд аятайхан харагдаж сур. Энэ нь багагүй цаг, авьяас шаардах урлаг. Таны дүр төрх хувь заяаны чинь босго болдог гэдгийг бүү мартаарай.

З.Жинхэнэ эмэгтэй хүн өөрийгөө хүндэлдэг байх ёстой. Энэ нь хувцасны шүүгээнээс чинь эхэлдэг. Ядаж сайн шуба, гутал, сайн чанарын хослол, гоёмсог туфль шүүгээнд чинь байх хэрэгтэй.

4. Хийж байгаа ажилдаа сонирхолтой бай. Аль болох өөрийгөө завгүй байлга. Ингэснээр та элдэв хов живээс ангид байх болно.

5. Мөнгөө зөв зарцуулж сур. Хэтэвч бол бүсгүй таны дотны анд.

6. Эмэгтэй хүн гэртээ хонох ёстой. Таалагдсан эр хүнээ ч хүсэл тачаалтай нь орхиж явж сур. Тэгвэл “Үнсгэлжин”-гийн үлгэрт гардаг шиг “сүйх тэрэг чинь хулуу болох цаг” тун ойрхон байх болно.

7. Нулимс бол эмэгтэй хүний хүчтэй зэвсэг. Гэхдээ цаг үргэлж уйлаад байх юм бол ердөө л сул дорой нэгэн болж орхино. Тиймээс зөвхөн бүсгүй танд байх хүчирхэг зэвсгээ зөв цагт хэрэглэж бай.

8. Гоёмсог, сайхан хувцаслах нь хүмүүсийг татдаг. Харин чадварлаг тайчих нь түүнээс ч илүү үр дүнтэй.

9. Эрчүүдээс хүссэн зүйлээ авч сур. Эрчүүд өгч байгаа зүйлээ бус авч байгаа зүйлээ л үнэлдэг.

10. Хэзээд шинэлэг эрч хүчтэй байхын тулд өөртөө байнга шинэчлэл хийж бай. Дотуур хувцас, цүнх, бээлий, хэрэгтэй бол ажлаа бас нөхрөө ч солиход бэлэн бай.

Амьдрал дээр эрчүүд өөрөөсөө илүү бүсгүйчүүдийг сонгодоггүй ажээ. Ялангуяа хэт ухаалаг эмэгтэй хүнээс ихэд болгоомжилдог нь нууц биш гэнэ. Тэгвэл эсрэгээрээ эрчүүд яагаад өөрөөсөө доор эмэгтэй хүнийг сонирхдог юм бол?… гэсэн асуулт гарна.

•Хэт их зүйлийг шаарддаггүй,
•Нөхрөө бурхан мэт хүндэлж явдаг. Учир нь түүнийг хүмүүжүүлэх, элдвийг зааж сургах гэж оролдохгүй. Яаж өссөн тэр л хэвээр нь хүлээж авдаг,
•Гомдлоо амархан үдэж, хурдан мартдаг, егөөдөж хэлсэн илүү үгийг ерөнхийдөө ойлгодоггүй,
•Сэтгэл хөдлөл ихтэй, энгийн, гэнэн хонгор, яг л хүүхэд шиг ааштай байдаг,
•Энгийн зааврын учрыг хүртэл олж чадахгүй шууд л нөхрийгөө дууддаг. Түүнчлэн аливаа зүйлийг толгой мэдэж хийхгүй, заавал нөхөртэйгээ зөвлөлдөж байж хийж, шийдвэр гаргадаг,
•Хэрэв хайртад нь ямар нэгэн таагүй зүйл тохиолдвол үглэж зэмлэхээ урьтал болголгүй аль болох тайвшруулахыг хичээдэг,
•Эр хүний амгалан тайван, ая тухтай байдлыг боддог,
•Ажил мэргэжил, албан тушаал, боловсрол, хөрөнгө мөнгөөрөө түрий барьж эр хүний дээр гарах гэж оролдохгүй,
•Бусдын эхнэртэй барьцаж ямар нэгэн зүйлийг хүсч чихнээс нь хонх уядаггүй,
•Эр хүнтэй барьцаад нийгмийн янз бүрийн ажилд оролцоод яваад байдаггүй,
•Бүх зүйлийг мэдэмхийрч заах гэж оролддоггүй гэх мэт зүйлс нь амар байдаг учраас эрчүүд ийнхүү сул дорой нэгнийг сонгож эхнэрээ болгодог байна.

http://http://www.youtube.com/watch?v=cJrsfbCZ6js&playnext=1&list=PL87E1A44529DDE4CE&feature=results_main

Аз жаргал бол яг энэ мөчид мэдэрч байгаа агшин, баяр хөөр, мэдрэмж. Бид аз жаргалтай амьдрах гэж ирсэн.

Бидэнд бурханаас заяасан өв тэгш аз жаргалтай амьдрал байдаг. Гэтэл бид хувь заяагаа шийдэхдээ л хальтирчихдаг. Энэ хорвоогийн бүх зүйл хэмжээтэй ч хүн бүр хүртэх эрхээ тэр бүр эдэлж чадахгүйгээс байгаа хүндээ тэр нь дахин аз жаргал бэлэглэх боломжгүй. Иймээс бид аз жаргалаа үнэгүйдүүлж орхидог.

Яг одоо мөрөөдлөө, хүслээ, дуртай зүйлээ хийгээд үз. Холбоотой уулзалт, арга хэмжээнд оролц, идэвхтэй санаачилгатай байхад нэг л өдөр мөрөөдөл тань зорилго болчихсон та түүнийг аз жаргалтайгаар тэмүүлэн хийж эхлэнэ. Таниас гэрэл цацарч, та ХЯЗГААРГҮЙ АЗ ЖАРГАЛ ТҮГЭЭГЧ болсон байна.

Харин бүү шантраарай.1352364594795

Зүгээр л ярьж суудаг хүмүүс хийж буй зүйлд тань бүтээлч бус шүүмжийг өгч, таныг мохоодог. Тэр бол ямар ч үнэ цэнэгүй, сөрөг энерги түүнээс хол бай. Танд бүтээлч шүүмж хэрэгтэй. Бас урам зориг хайрлах, эрч хүч бэлэглэх дэмжих хүн л хэрэгтэй. Амжилтанд яваа хүн бүр ийм эрчтэй байдаг.

Харин сөрөг бодол, энергитэй хүн өөрийн тань унах бүрт л баярлаж байдаг. Учир нь тэд өөрийнх нь дор хүмүүс байгааг харан өөрийн үйлдлийг зөвтгөж суудаг.

Аз жаргал гэдэг мөрөөдөлтэй, хүсэл, тэмүүлэл, зүтгэл, итгэл, сэтгэлтэй хүнд хурдан ирдэг. Үг үйлдэл болох үед та аз жаргалаа бодит болгоно. Мэдээж эхний хэдэн алхам шантрах сэтгэл төрвөл, итгэлээр өөрийгөө хурцлаарай. Учир нь мөрөөдөл тань илүү хүчтэй байх болно.

МӨРӨӨДЛИЙНХӨӨ ДАЛАВЧ нь, АЗ ЖАРГАЛЫНХАА ЦАЦРАГ нь байгаарай.

Хязгаар эцэсгүй урт зам биш дээ
Хаяанд байгаа энүүхэн амьдралын төгсгөл хүртэл
Хань болж гарыг чинь хөтлөн алхах гэсийм
Хайранд согтсон хатан байж үзэх гэсийм

Элгэнээс чинь алдуурахгүй аргамжих гэсийм өөрийгөө
Эргүүлээд зүрхээ чөдөрлөх гэсийм хайраар чинь
Эрхэлж чиний л амраг байх гэсийм
Эр биеийн чинь эзэн нь болох гэсийм

Харцандаа гуниг нууж биш жаргал гэрэлтүүлсэн
Хайрандаа “хар” тээж биш халамж нэмсэн
Ханийн түшиг, үрийн заяа элбэгдүүхэн эдэлсэн
Хамгийн жаргалтай эхнэр байх гэсийм

Наргүй бүрхэг жиндүү өдөр олоон
Нар болж сэтгэлийг чинь дулаацуулах гэсийм
Саргүй түнэр харанхуй шөнө тохиолдноо
Сар байж итгэлийн чинь гэрлийг асаах гэсийм

Санаа алдахдаа бусдаар биш чамаар л дүүрэх гэсийм
Санчиганд хяруу унасан ч чамаар л нөмөрлөх гэсийм

Нумеролог бол хүний хувь заяаг төрсөн сар, өдрийн тооны уялдаагаар илэрхийлдэг нэн эртний ухаан юм. Одон зурхайн нэг хэсэг болох энэ ухаан нь хүмүүсийн зан араншин, ирээдүйн эв эеийг урьдчилан харахад голчилон хэрэглэгдсээр иржээ.

Эхлээд хувийн тоогоо олох хэрэгтэй. Таны төрсөн сар, өдөр байхад л хангалттай. Жишээ нь: Та 4 сарын 26-нд төрсөн бол энэ хоёр тоогоо хооронд нь нэмнэ. 4+26=30. Эндээс 3+0=3. Таны хувийн тоо 3 болох нь. Нумерлогт таны хувийн тоо ямар зан аашид тохирохыг хэлж өгнө.

1. Та сэтгэлийн их тэнхээтэй, ямар ч асуудлыг өөрөө бие даан шийдвэрлэхийг хүсдэг. Аливаад хурц мэдрэмжтэй. Ханиараа бахархах дуртай. Ойр дотныхоо хүмүүсийг өөрийн хүссэнээр байлгах эрмэлзэлтэй.

2. Нарийн мэдрэмжтэй, эелдэг, мөрөөдөмтгий хүн. Тиймээс ч хүмүүстэй амархан дотносож чаддаг. Аливаад шийдвэртэй хандахыг хичээдэг ба ганцаардахаас айдаг.

3. Амьдрал таны хувьд жүжгийн тайз мэт. Хурц сэргэлэн, наргианч, аливааг ухаалгаар хүлээж авдаг, бие даан амьдрах гойд эрмэлзэлтэй хүн. Эрх чөлөөг үнэлэх нь янз бүр. Ийм хүмүүс хайр сэтгэлд үнэнч байдаг ч өчүүхэн жаахан гомдвол сэтгэлийн холбоогоо хоромхон хугацаанд үгүй хийх талтай.

4. Тохиолдлын сээтэгнэл, ирээдүйгүй учрал зэрэгт талтай ч дурлалын хувьд цэвэр ариун, итгэлтэй байдлыг эрхэмлэдэг хүн. Мэдрэмжийн хувьд үнэнч, энгийн, хэрэв үнэн сэтгэлээсээ дурласан бол гайхамшигтай үнэнч, дурлалаа амь шигээ хайрлаж чаддаг.

5. Та эрх чөлөө, адал явдал, шинэ найз нөхөдтэй болох, мөн амь сөрсөн зүйлд дуртай. Та өөрөө хүч чадал, үнэнч сэтгэл, хүсэл тэмүүлэлтэй хүний тод жишээ. Гэнэтийн тохиолдол, учралд дуртай.

6. Энэ бол зохицлын тоо. Таны романтик төрх аугаа их хайр сэтгэлийг олоход зохицсон. Хүссэн хүнээ урхидаж чадна. Эсрэг хүйсийн хүнээсээ байнгын халамж, хайрыг хүсдэг учраас хайрын харилцаа нь хэврэг байх магадлалтай.

7. Энэ бол нууцын тоо. Таны далд, нууцлаг төрхийг тайлбарлахад үнэхээр хэцүү. Өөрийн хүсэл, бодол санаагаа тэр болгон илэрхийлдэггүй. Маш ховор, юунаас ч үл хамаарах зан араншинтай хүн юм. Товчхондоо ил гаргадаггүй л болохоос биш дээд зэргийн биеэ тоосон “матери” бөлгөө.

8. Энэ тоо дарангуйллын бэлгэдэл. Асар их хүчтэй, зоригтой. Таны хувьд хайр сэтгэл тоглоом л гэсэн үг. Гэвч богино хугацаанд хүчтэй, шаргуу дурлана. Нэгэнт эхлэсэн бол харин замын дундаас буцах дургүй.

9. Энэ бол мөрөөдлийн тоо. Шулуун шударга, уян зөөлөн, ухаалаг хүн. Хайр сэтгэлд баяр хөөртэй, буурь суурьтай хандана. Хайр сэтгэлийг нөгөө хүнийхээ хэрхэн хандахаас хамаарч үнэлнэ.

width=303

Нумерлог нь зөвхөн өөрийгөө танихад туслаад зогсохгүй ямар хань тохирох, хайр сэтгэлийн холбоогоо хэрхэн бэхжүүлэхийг тань зааж өгнө. Та хайртай хүнийхээ хувийн тоог мэдэж байхад л хангалттай. Аура гэрлэн биеийн өнгө ба хувь заяаны тоо

1 ба 1: Яагаад ч үл зохицох хос. Хэн хэн нь эрх чөлөөнд тэмүүлнэ. Үүнийхээ төлөө хамгийн ширүүн тэмцэлд ч бэлэн байдаг. Ийм хосуудын бүх хүч чадал бие биенээ мөхөөхөд чиглэнэ. Цорын ганц зам нь салалт.

1 ба 2: “Нэг”-ийн зүгээс ухаалаг, уян хатан, эелдэг зан чанар чухал. “Хоёр”-т шийдмэг, “нэг”-д нөлөөлдөг байх шаардлагатай. Ингэж чадвал гайхамшигтай зохицол буй болно. Гэвч “хоёр”-ын зүгээс багагүй хүч чармайлт гаргах шаардлагатай.

1 ба 3: Ийм харилцаанд “нэг” зам заагч болох тул “гурав”-т нөлөөлнө. Харин “гурав”-ын зүгээс “нэг”-д хүлээцтэй хандаж, нэгэнт тогтсон харилцааг тэнцвэржүүлэх нь чухал. Энэ хосуудын харилцаа яаж ч болох талтай. Энэ холбоо тасарвал хайр дурлалын хамгийн сайхан дурсамж үлдээнэ.

1 ба 4: Маш сонирхолтой харилцаа. “Нэг” идэвхтэй, хөдөлгөөнтэй, хурдан хувьсаж өөрчлөгдөж байдаг бол “дөрөв” хурдан өөрчлөлтөд дургүй. Ийм холбоо дурлалд биш харин ажил мэргэжилд илүү тохиромжтой.

1 ба 5: “Нэг”, “тав” хоёр учрахад зүрх нь яаж цохилдог гэж санана! Ийм холбоонд бүх юм шууд, шулуун байдаг.

1 ба 6: “Нэг”, “зургаа”-тай амьдралаа холбох бол жаргалтай байх болно. “Нэг” “зургаа”-гийн зүгээс ямагт бие, сэтгэлийн дээд зэргийн таашаал хүртэж байх юм. Гэвч “нэг” “зургаа”-гийн тэвчээрийг сэвтээчихгүй л бол холбоо найдвартай байх болно.

1 ба 7: “Нэг” амьдарлын гадаад өнгө үзэмжийг, харин “долоо” дотоод сэтгэлийг илүүд үзнэ. Иймээс энэ холбоо зөвхөн найз нөхдийн хүрээнд хангалттай.

1 ба 8: Ийм хосуудын аль аль нь тэргүүлэгч, удирдагч байхын төлөө тэмцэнэ. Товчхондоо “нэг” ба “дөрөв”-ийн холбоотой адил.

1 ба 9: Сэтгэл хөдлөмтгий нэг, есийн гайхамшигтай шинэ сэдэл санааг өөртөө ашиглахаас хэтрэхгүй. Ийм тохиолдолд тэд бие биенээ нөхөж байх юм.

2 ба 2: “Хоёр” ямагт хэн нэгэнтэй хайр сэтгэлээ хуваалцаж байхаар заяагдсан нэгэн. Ийм хосууд сайхан зохицон амьдрах магадлалтай ч бие биедээ үл итгэж, асуудлыг шийдвэрлэх туршлага ямагт дутагдана.

2 ба 3: Маш тохиромжтой. “Хоёр” хайр сэтгэлээ “гурав”-т харамгүй зориулах ба “гурав” ч тийм хариу барина. Ийм хосууд зохицон амьдарч чадна.

2 ба 4: “Хоёр”-т ухаалаг үнэнч мэдрэмж хэрэгтэй. Тэд харилцан ойлголцож бие биенийгээ үнэлж чадна.

2 ба 5: Энэ хосууд бие биенээ нөхөх хандлагатай. Гэвч “хоёр” өөртөө итгэл муутай учраас шийдвэр гаргахдаа алдах тал бий. “Хоёр” ханиасаа ямагт хамаарч байхыг хүсдэг бол “тав” үл хамаарахыг хүснэ. Ийм холбоо хайр сэтгэлийн нарийн мэдрэмжтэй хүмүүст тохиромжтой.

2 ба 6: Энэ холбоо хайртай хоёрын хувьд харилцан ойлголцол дээр тулгуурлана. Гэр бүл болоод үүрд хамт амьдарч чадна. Энэ бол бат бэх, тансаг харилцаанд тулгуурласан мөнхийн холбоо юм. Цаг үе өнгөрөх тусам тэд гоёмсог, тансаг ертөнцдөө умбасаар байх болно.

2 ба 7: “Долоо” өөрийн хүсэл бодлоо төдийлөн илэрхийлж чаддаггүй нь харамсалтай. Гэтэл энэ чанар нь “хоёр”-т таалагдах нь бүр ч хачирхалтай. Тэд хоорондоо сайн ойлголцох боловч бие биенээ хүсэмжлэх мэдрэмж нь гүнзгийрэх тусам харилцаа нь хүндэрнэ.

2 ба 8: “Найм” бүхнийг гартаа авах сонирхолтой. Ийм тохиолдолд “хоёр” түүний энэ занг тэвчих хэрэгтэй. Ийм хосуудад ямар нэг сөрөг нөлөө байхгүй. “Найм” амьдралын бүх асуудлыг гартаа авч чадвал сайн.

2 ба 9: Сэтгэлийн хөдөлгөөнтэй хосуудын холбоос. Тэд нөхөрсөг холбоо тогтоож чадах боловч хайр сэтгэлийн харилцаа төдийлөн тогтвортой байдаггүй.

3 ба 3: Хосууд хамт байх үедээ хэзээ ч уйдахгүй. Тэд нөхөрсөг, тусархаг, сайн найз нөхөд байж чадна. Харин хайр сэтгэлд ямар нэг зүйл өөрийн эрхгүй дутагдах болно.

3 ба 4: “Гурав” хөгжилтэй, урьдчилан таахын аргагүй олон ааш үзүүлж чадна. Гэтэл “дөрөв” тайван, болгоомжтой. Ийм хосуудад ямар ч харилцаа боломжийн. Харин “дөрөв” “гурав”-т хандахдаа илэн далангүй, “гурав” өөрийн сэтгэлийн илэрхийллээ эвтэйхэн барьж чадвал энэ хосууд сайхан амьдарч чадна. Гэхдээ хэн хэнээс нь их тэвчээр шаардагдах юм.

3 ба 5: Гутрахыг мэддэггүй хосууд. Хоёул зугаацаж цэнгэх, аялах, харилцаагаа шинэчилж, хөгжүүлж байх дуртай. Тэд хэн хэнийхээ сонирхолыг хуваалцдаг.

3 ба 6: Энэ харилцаа өөрөө амжилт юм. Өглөгч, уян хатан чанар, хамтын сонирхол-бат бэх харилцаа, гүн мэдрэмжид шаардлагатай бүгд хамаарна.

3 ба 7: Оюуны санааны хувьд зохицохгүй холбоо. Харин сэтгэлийн хөдөлгөөн ихтэй харилцааны хувьд тийм ч өө сэвгүй биш. “Гурав” аливааг турших, зугаацаж цэнгэх дуртай бол, харин “долоо” биеэ барьж, түгжигдмэл байх онцлогтой.

3 ба 8: “Найм” ямагт өндөрт байж, нөхцөл байдлыг гартаа авахыг хүсдэг. “Гурав” ч түүнтэй зөрчилдөхийг хүсдэггүй. Тэдний харилцаанд уян зөөлөн байдал, өөрийгөө золиослох явдал дутагдана.

3 ба 9: Сэтгэл хөдлөмтгий нэг, есийн гайхамшигтай шинэ сэдэл санааг өөртөө ашиглахаас хэтрэхгүй. Ийм тохиолдолд тэд бие биенээ нөхөж байх юм.

4 ба 4: “Дөрөв” бол өөрөө тогтвортой байдал. Харин хоёр “дөрөв” хөдөлгөөнгүй байдлын илэрхийлэл. Харилцаагаа хөгжүүлэх, оюун санаагаа баяжуулах, төлөвлөгөө зохиоход боломжгүй. Тууштай, үнэнч зан чанар, зөрүүд байдал, эзэгнэхүй нь дон болж хувирна.

4 ба 5: Огт өөр хосууд. “Дөрөв” араар тавих дургүй, “тав” тийм явдлыг чухам дээдэлнэ. “Дөрөв” ямар нэг ажилд сайн тунгаасны эцэст ордог бол “тав” эгшин зуур дайрна. Бие биенээ ойлголцохгүй зовно.

4 ба 6: Энэ холбоо сайхан боломж олгоно. Хосууд чинээлэг амьдрал, тэгш харилцааг эрхэмлэнэ. Тэд хамтдаа аз жаргалтай.

4 ба 7: Хэтэрхий сэтгэлийн хөдөлгөөнтэй байдал нь тэднийг нэгтгэнэ. Харилцаа харилцан ойлголцол, тайван уур амьсгал дээр тулгуурлана.

4 ба 8: Тэд сайн ойлголцдог хос. Хоёулаа материаллаг баялаг, сэтгэл, санааны тайван, байдлыг эрхэмлэнэ. Нэг нь нөгөөдөө захирагдах болов ч зорилгодоо хамтын хүчээр хүрвэл сайн.

4 ба 9: Хоёул харилцан сонирхол дээр харилцаагаа зохиодог. Ажилч, сахилга баттай “дөрөв”, мөрөөдөмтгий “ес”-тэй учрахад юу ч тохиолдож болно. Тэд бие биеийн дутууг гүйцээж явдаг.

5 ба 5: “Хараат бус байдал” энэ харилцааны түлхүүр юм. Тэд бие биенээ шууд хүлээн зөвшөөрч, үнэлж, цэгнэдэг. Мэдрэхүйн ханамж, эрх чөлөөнд дурлах нь тэдний мөн чанар. Гэвч тэд бие биедээ үнэнч байж чадах нь тэднээс л шалтгаална.

5 ба 6: “Зургаа” нь уян хатан, зөөлөн харилцааг үнэлэх бол “тав” тусгаар байдал, хувьсан өөрчлөгдөх байдлыг эрхэмлэнэ. Хэрэв “зургаа” “тав”-ын хувирамтгай байдлыг таалахгүй бол, “тав” шийтгэлээс айхгүй. Тэдний хооронд юу ч тохиож болзошгүй.

5 ба 7: Хосууд биеэ даасан, давтагдашгүй харилцааг эрхэмлэнэ. “Тав” эрч хүчтэй, хамт олонсог бол “долоо” ганцаардлаас хэзээ ч айхгүй. Бүх зүйл өөрт нь бий. Тэдний сэтгэл санааны холбоонд ерөнхий зан чанарууд нь сайнаар үйлчилнэ.

5 ба 8: “Тав” “найм”-ын эзэрхэг, их занд ихээр татагдана. Харилцан бие биедээ татагдах ч харилцааных нь зарим нэг зүдэргээтэй байдал хүндрэл учруулна. Хосын хэн нь ч бие даасан байдлаа хязгаарлуулахыг хүсэхгүй.

5 ба 9: Энэ хосын уриа нь хөгжөөн, зугаа цэнгэл, адал явдал, эрх чөлөөт амьдрал. Тэднийг хамтын ширүүхэн амьдрал хүлээж байх ба гэнэт дээрээс нь эд баялаг буух, эсвэл үгүйрэн хоосорч болно. Гэвч тэд эд баялагийн талаар санаа зовохгүй.

6 ба 6: Энэ хос хайр сэтгэл, гэр орон, гэр бүлийг үнэлж цэгнэж чаддаг. Гэвч төгс холбоо биш ээ. Шийдмэг бус, хэт догдломтгой чанар саад болно. Тэдний дурлал түгжигдмэл хүрээнд байх ба энэ нь хойшдоо мөхөлд ч хүргэж болзошгүй.

6 ба 7: “Зургаа”-гийн сэтгэл, “долоо”-гийн ухаан дээр тулгуурласан холбоо нь шилдэг, эсвэл бүр муу хувилбар байж болох юм. Харилцан бие биенээ ойлгож, буулт хийж, эсвэл бүр мухардмал байдалд орж болно. “Зургаа” ямагт өөриймсөг сэтгэл зүрхийг үгүйлэх бол “долоо”-д заримдаа ганцаардмал байдал хэрэгтэй.

6 ба 8: “Хангалуун байх хэрэгтэй” гэж “найм” тооцох бол “Гол нь бат бэх харилцаа” хэмээн “зургаа” бодно. Хамтдаа зүтгэнэ. Хэрэв “найм” ямагт тушаагаад байхгүй бол “зургаа” түүний зан чанарыг бишрэх болно. Харилцаанд нь тайван байдал ноёрхоно. Эсрэг тохиолдолд мэдрэмжээс эд баялагийн сонирхолыг дээгүүр тавина.

6 ба 9: Хэн хэн нь төгс хайр сэтгэлийг мөрөөднө. Ихийг амласан, ээдрээтэй холбоо. Хоёул бие биедээ их зүйлийг нотлох хэрэгтэй болно. Чадвал бие биедээ бүрэн итгэлтэй амьдарна.

7 ба 7: Ганцаардмал байдалд дуртай, түгжигдмэл холбоо. Амьдралын хувьд оюун санаа, ухааныг эрхэмлэнэ. Ажил мэргэжлийн хувьд бие биенээ хүндэтгэнэ. Гэвч хоёр тусдаа санаа бодолтой хүмүүс гэр бүл үүсгэж чадах уу?

7 ба 8: “Долоо”-гийн хувьд хамгийн гол зүйл оюун ухааны ертөнц. “Найм”-ын хувьд материаллаг орчин. Тэдний мэдрэмж хөгжиж чадахгүй.

7 ба 9: Оюуны ертөнц, давтагдашгүй амьдралын хэлбэр тэднийг өөрийн эрхгүй ойртуулна. Мэдрэмжийн салбарт тэднийг ээдрээ хүлээж байна. “Ес” нь хэтэрхий хийсвэр үзэлтэн шүү дээ.

8 ба 8: Засаглал, их зан, атаархал тэдэнд ойр юм. Тэд эзэгнэхийг амжилтад хүрэхийн үндэс хэмээн үзнэ. Эрч хүч, эр зоригийг бусдаас зээлэхгүй улс. Ажил мэргэжлийнхээ тухай их ярина. Хэрэв тэд хоорондоо өрсөлдөхгүй бол харилцаа нь бүрэн боломжтой.

8 ба 9: Энергээ харилцан хуваалцах ба “ес” янз бүрийн санаа гаргаж ирсээр байна. Гэвч мэдрэмжийн ертөнцөд тэднийг урам хугаралт хүлээх болно. Хэн хэнийх нь зорилго хэтэрхий ялгаатай юм.

9 ба 9: Тэд нэг долгионд тохируулагдсан ба харцаараа л ойлголцоно. Оюун санааны хувьд их ойрхон хүмүүс. Гэхдээ зөөлөн дулаан, мэдрэмтгий, өөрийгөө умартах шинжүүд тэднийг холбож чадахгүй.

Аура гэрлэн биеийн өнгө ба хувь заяаны тоо

Сэтгэл судлалын шинжлэх ухаанд хүний аура гэрлэн биеийн үндсэн өнгийг тодорхойлох арга байдаг байна .

Аура гэрлэн биеийн үндсэн өнгө нь хувь заяаных нь тоогоор тодорхойлогддог байна. Эдгээр нь :

1- улаан
2- улбар шар
3- шар
4- ногоон
5- цэнхэр
6- хөх
7- нил ягаан
8- ягаан
9 -алтан шаргал
11-мөнгөн
22-алтан

Хүний хувь заяны тоог олохдоо төрсөн он сар өдрөөр тооцоолдог .

Жишээ нь : 1980 оны 4 -р сарын 28 -нд төрсөн хүн 1980+4+28=2012 -ыг 2+1+1+2=5 буюу аура өнгө нь ЦЭНХЭР байна.

Жич : Хэрэв нийлбэр нь 11 . 22 гарах тохиолдолд хооронд нь нэмэхгүйгээр хэвээр үлдээнэ.
Хүмүүсийг аурагийн өнгөөр нь дараахь байдлаар тодорхойлжээ.

Улаан : Тэргүүлэх асар их потенциалийг агуулдаг. Өмнөх зорилгодоо хүрэхдээ шаргуу , энерги сайтай , ааш араншин нь хурц , сэтгэл сайхантай . Муу тал нь бухимдуу хувиа хичээгч.

Улбар шар : Тэнцвэртэй, хамтран ажиллагч , хүнтэй эвсэг , зөн билэг сайтай , энхийг эрхэмлэгчид. Муу тал нь залхуу гутрамтгай.

Шар : Уран бүтээлч , гялалзсан оюунлаг , хурц ухаантай , нийтэч, ямар ч сэдвээр ярьж чаддаг хүмүүс байдаг. Муу тал нь худалч , ичимхий.

Ногоон : Анагаагчид эмч , энхийн үйлстэн , найдвартай хүн. Муу тал нь өөрийнхөөрөө зүтгэх , юмыг хүндээр хүлээн авах.

Цэнхэр : Олон талтай , байгалиас заясан зан сайтай. Хөөрүү , ямар ч бэрхшээлийг тулан давах чадвартай , их үнэнч , шударга хүмүүс. Муу тал нь эхэлснээ дуусгадаггүй.

Хөх : Бусдын төлөө хариуцлага хүлээх чадвартай , өглөг буяны эзэд . Муу тал нь үгүй гэж хэлж чаддаггүй , муу хүнд ашиглагдах нь олонтой.

Нил ягаан : Оюун ухаан сэтгэл санааны төгөлдөр . Насан туршдаа сэтгэл санааны чадавхиа хөгжүүлдэг. Муу тал нь өөрийгөө бусдаас өндөрт өргөмжилдөг тул бусадтай таарамж муутай.

Ягаан : Эдийн засаг санхүүгийн амжилттай , шургуу , тавьсан зорилготой хүмүүс байдаг. Удирдагч , эрх мэдэлтэн байх нь элбэг.

Алтан шаргал / боронзон/ : Сайн үйлс бүтээгч , халамжтай, өрөвчхөн хүмүүс. Муу тал ньбусдын нөлөөнд автамтгай.

Мөнгөн : Амьдралаас тасарсан мөрөөдөгчид , уран зөгнөгчид байдаг. Агуу төлөвлөгөө зохиох авч хэрэгжүүлэх нь ховор . Хэрэв тэд юмыг бодитоор үнэлж хандаж чадвал асар их амжилтанд хүрнэ.

Алтан : Хязгааргүй . Энэ бол хамгийн хүчирхэг өнгө. Олон талын авъяастай төдийгүй бодсоноо ажил болгогсод. Амьдралынхаа сүүлчээр алдар нэрд гардаг.

. Ус уу: Өдөрт дор хаяж 1.5 л ус эсвэл сайн чанарын ногоон цай ууж биеээ дотроос нь цэвэрлэж, мөн чийгшүүлж бай.

2. Ухаалаг будалт: Яг одооноос эхлээд та зөвхөн өөртөө тохирсон үдэшлэг, ажил хэрэг, болзоо болон найз нөхөдтэйгээ амралтын өдрийг өнгөрөөхдөө тохирсон будалтуудыг тус тус сур. Болж өгвөл туршаад үз. Шаардлагатай бол мэргэжлийн хүмүүсээс зөвлөгөө ав. (Stylleto студийг зорихийг хүсвэл энд дараарай)

3. Өдөр бүр шинэ үс: Үсээ өдөр бүр урдынхаасаа өөр өөр маягаар янзалж, шинэ үсний боолт даруулга, зүүлтийг туршиж үзэхээс битгий айгаарай. Хүсвэл өөрийнхөө төсөөлөөчгүй өнгөөр будуулж ч болно. Нэг өдөр ороогоод үз, маргааш нь шулуун болго. Үүнд залхуурч болохгүй шүү. Таны маш их стрессийг тайлах болно.

4. Өөртөө тохирсон зөв бүтээгдэхүүн худалдан ав: Час улаан уруулын будаг, хуучимсаг хэрнээ дэгжин өөр хаана ч байхгүй цүнх гэх мэт яг л танд зориулж хийсэн мэт зүйлсийг та олж аваарай. Та л олохгүй бол тэд лангуун дээрээ хэвтсээр нас барах болно. :-) Тэднийг авраарай!

5. Гоо сайхандаа зориулж өдөр бүр цаг гарга: Өнөөдөр хүүхдүүдээ унтуулчихаад нэг сайхан хумсаа янзлаарай. Маргааш харин нүүрэндээ шинэ авсан маскаа тавиарай.

6. Амар: Өөрөө сонсоод үнэхээр сэтгэл тань тайвширч амрахаар аятай CD-ийг хайж ол. Тэгээд түүнийг өдөр бүр 5 минут сонсож бай. Эсвэл ажил руугаа алхаж явахдаа толгой тань нэг сайхан цэвэрлэгдэж амардаг бол түүнийгээ өдөр бүр хий. Өөр ямар байдлаар алжаалаа тайлж чадаж байгаагаа сайн анзаарч олж мэдээрэй.

7. Хичээл зүтгэл: Өдөр бүр үсээ өөрөөр янзлах, маск тавих гэх мэт яршигтай эсвэл энэ их ажлын хажуугаар бүтэшгүй санагдаж байна уу? Та л хичээл зүтгэл гаргаж өөртөө цаг гаргахгүй бол өөр хэн ч үгүй. Эзэн хичээвэл заяа хичээнэ гэдэг биз дээ?

8. Зүүдэл: Өдөрт дор хаяж 7-8 цаг гүн нойронд автаж сайхан зүүдлээд унтаж байгаарай.

9. Инээмсэглэ: Та итгэхгүй байж магад. Гэхдээ зөвхөн энэ жижигхэн зүйлээс болж таны амьдрал орвонгоороо өөрчлөгдөж, төсөөлөхийг аргагүй үр дүнд хүрнэ.

10. Дурла: Та өөрийгөө толинд хараад дурла, саяхан авсан шинэ гутландаа дурла. Гал зуухны өрөөгөө сайхан цэвэрлээд шинэхэн мэт болсон хөргөгчиндөө дурла. Ингэснээр таны амьдралын идэвхи нэмэгдэж эерэг энэрги бөөн бөөнөөр цуглах болно. Амжилт:-)

Follow

Get every new post delivered to your Inbox.