Амьдралын хуудас Хэрэв таны амьдрал ном байсан бол …..
Хэрэв таны амьдрал ном юм бол номын сангийнхаа хаана нь тавих вэ?
Түүхэн номын дунд уу эсвэл Гүн ухааны, Роман, Яруу найраг, Өдрийн тэмдэглэлийнхээ дунд тавих уу?
Нүдэнд ил харагдах газар тавих байсан уу?
Эсвэл хичнээн гярхай хүн байлаа ч олж үзэхээргүй газар байлгах уу?
Амьдралынхаа номыг байнга унших байсан уу, эсвэл хаа нэгтээ гаргаад тоосыг нь арчих байсан уу?
Аль эсвэл таг мартаад сэтгэлийнхээ хамгийн гүнд шидэх байсан уу?
Номоо уншихаар аваад дуустал унших уу, эсвэл тэр дороо хаагаад орхих уу?
Хамгийн гунигтай эсвэл хамгийн аз жаргалтай мөчийг, бүр “Амьдралын анхны ” гэсэн гарчигтай хуудсыг тань хүмүүс огт тоож уншихгүй байвал хэр санагдах вэ?
Таны хувьд хамгийн хүнд үеийг тань инээж хөхрөн,хамгийн аз жаргалтай үед тань уйтгартай, хамгийн сонирхолтой мөчийг тань ойлгохгүй уншиж өнгөрүүлсэн уншигчдад хандан юу хэлэх вэ?
Номыг агуулгаар нь бус, зузаан нимгэнийг нь тооцдог хүмүүс хичнээн их сэтгэлээр унах болоо?
Том жижиг үсгийг анхаарагчид ялангуяа богино өгүүлбэрт дургүй хүмүүст тэрхүү өгүүлбэр гуниг төрүүлсэн үг, үсэг болохгүй гэж үү?
Эцсийг нь үзэх гэж тэсэн ядан буй хүмүүсийн хүслийг унших үед анхаарч болох уу?
Таны амьдрал нэг бүтээл байсан бол та бүлэгт нь илүү дурлах байсан бэ?
Аль хуудсыг нь урж хаях, аль мөрийг нь ахин ахин уншиж, доогуур нь зурж ,аль өгүүлбэрийг нь дахин амьдруулахыг хүсэх байсан болоо?
Хэрэв таны амьдрал ном байгаад таны амьдралын тухай өгүүлдэг байсан бол таньд таалагдах байсан уу?
Хоёр дахь , гурав дахь хэвлэл гээд ар араас хэвлэх байсан уу?
эсвэл хэрэггүй, жирийн нэг эд мэт номын шүүгээндээ орхих байсан уу?
Амьдралын номынхоо хавтсыг чухалчлах үзэх үү?
Хуудсыг нь хамгийн чанартай цаасаар хийх байсан уу?
Олсон цаасыг үнэтэйд тооцох байсан уу?
Хавтсанд нь ямар зураг тавих байсан бэ?
Номны тань хавтсанд бичиг баримтын зураг тавигдах уу?
эсвэл инээж буй, бодолхийж буй,уйлж буй, бөгтийгөөд алхалж буй хөрөг зураг тань байх уу?
Та номондоо ямар нэр өгөх вэ?
”Миний ажил үйлс”,”Дурсамж”, ”Минйи сайн тал”, “Миний алдаа”,”Амьдрал ямар богино юм бэ?
” ,”Хайр дурлал”,”үзэн ядалт” гэсэн нэртэй байх уу?
Хамгийн гол таны ном бусад номоос юугаараа өөр байх вэ?
Та юуг голчлон бичиж,юуг түлхүү өгүүлж, ямар зүйлийг үл хэрэгсэн орхих байсан вэ?
Уншигчдад хэр их зүйлийг зааж сургах байсан бэ?
Хамгийн сайхан хэсэг нь юу байх вэ?
эхлэл , өрнөл, төгсгөл ,б үгд эсвэл аль нь ч сонирхолгүй байх байсан уу?
Ямар аргаар , ямар үгээр зохиолоо бичих вэ?
Аль эсвэл бүх амьдралаа анзааралгүй өнгөрч, хүлээн зөвшөөрөлгүй, мартах байсан уу?
Амьдрал тань ном байсан бол та амьдралаа нэгтгэн дүгнэх байсан уу?
Эсвэл дугаар нь үл мэдэгдэх цуврал номны нэг байх байсан уу?